Mothers Comfort Zone Mothers Comfort Zone
كتبت د/ ندي وهدان
مع انتشار القيل والقال و كلام ناس فاهمين و ناس مع الأسف مش فاهمين، هنتكلم عن أشهر الخرافات عن مرض التوحد.
بتحتار أم الطفل المصاب بمرض التوحد وتبدأ تصدق خرافات كتير، وتؤمن بيها وده بيضرها وبيضر طفلها جدًا.
مرض التوحد من الأمراض المجهولة وكل يوم العلماء بيحاولوا يوصلوا لمعلومات جديدة ومفيدة سواء في طرق العلاج، والتشخيص المبكر، وتنمية مهارات أطفال التوحد.
تعالو نشوف إيه الخرافة والحقيقة في كلام كتير بنسمعه وبيأثر على نفسيتك ونفسية طفلك.
أشهر الخرافات عن مرض التوحد
بعد بحث طويل عن مرض التوحد لاقينا إن كان في خرافات كتير حول مرض التوحد وطبيعته واسباب التوحد بس لاقينا إن في دراسات حديثة نفتها بعض منها وده جدد الأمل في قلوب كل أم وأب عندهم طفل توحدي.
هنقولك أشهر الخرافات عن مرض التوحد علشان تخلي بالك.
علاج مرض التوحد (هل مفيش أمل إن مريض التوحد يتحسن؟)
أول سؤال يدور في عقل الأمهات والآباء وبيكون كل همهم أنهم يسمعوا كلام يطمنهم ويديهم أمل علشان يقدروا يبدأوا رحلة العلاج.
واحدة من أشهر الخرافات عن مرض التوحد إلي كانت منتشرة مدة طويلة هي إن مريض التوحد حالته مش بتتحسن، وده أصاب أمهات كتير بحزن شديد على أطفالهم.
لكن بعد تجارب لأدوية كتير وجلسات تنمية مهارات أطفال التوحد، وجلسات تعديل السلوك التوحدي، ظهر حالات كتير قدرت تتخطى مرض التوحد و يعيشوا حياة طبيعية.
مرضى التوحد مش بيحسوا بأي مشاعر مثل الحزن والفرح!
ممكن مرضى التوحد مش بيعرفوا يعبروا عن حزنهم وغضبهم أو حتى لحظات الفرح إلي بيمروا بيها
بس الأكيد أنهم بيحسوا بالمشاعر دي كلها، طفل التوحد بيعبر عن المشاعر والأحاسيس اللي بيمر بيها، بطرق مختلفة عن باقي البشر.
علاقة التوحد بتناول أدوية خلال فترة الحمل
تحرص كل حامل على معرفة تفاصيل أي نوع دواء بتاخده وبتسأل وبتهتم أنها تعرف هل مناسب للحمل و لأ؟
أُثبتت الأبحاث الحديثة أن بجانب العامل الجيني إلي هو السبب الرئيسي للتوحد بيشارك معاه عدة عوامل منها:
- تناول بعض أنواع الأدوية.
- تركيز بعض المعادن في الدم.
- التعرض للمواد السامة أو الكيميائية.
كل ده بيأثر على النمو العقلي للطفل وممكن يكون سبب من أسباب إصابته بأمراض زي التوحد أو فرط الحركة.
هل في علاقة بين التوحد والباراسيتامول أثناء الحمل؟
بنحذر أي أم حامل من تتناول أي نوع من الأدوية من غير داعي أو من غير استشارة الطبيب، حتى لو مسكنات الألم الآمنة مثل الباراسيتامول.
لأن كل يوم العلم يثبت معلومات جديدة فخليكي في أمان وقللي استخدام أي نوع من الأدوية ويُمنع التعرض لأي مواد سامة أو كيميائية خلال فترة الحمل لصحتك وصحة طفلك.
هل انشغال الأم عن طفلها قد يصيبه بالتوحد؟
دائمًا يُلقى اللوم والذنب على الأم أنها السبب في إصابة ابنها بالتوحد، بالرغم من التأكيد على أن مرض التوحد هو مرض جيني، أسباب التوحد مختلفة ومنها إلي بيساعد على ظهور صفات التوحد على الطفل.
كواحدة من أشهر الخرافات عن مرض التوحد تأكيدًا إن الأم مش السبب وراء إصابة طفلها بالتوحد، رغم إننا كتير بنلاقي نفس الأم عندها طفلين واحد سليم معافى، والآخر مصاب بالتوحد مع أن الطفلين لنفس الأم، ونفس طريقة التربية.
التوحد والهاتف الذكي
وفقًا لأبحاث قامت بها الأكاديمية الأميركية للطفل أن يجب الا تتجاوز مدة مشاهدة التلفاز أو الهاتف الذكي ساعتين يوميًا وده علشان نساعد الطفل أنه ينمو عقله في صورة سليمة ويتطور ويندمج في العالم الواقعي.
هل مرض التوحد سببه انتشار الالكترونيات والإنترنت؟
زيادة أو نقص عدد الساعات التي يقضيها الطفل أمام التلفزيون أو الهاتف الذكي (الموبايل) ليس له علاقة بإصابة الطفل بطيف التوحد.
لكن، الأطفال إلي عندهم استعداد وراثي للإصابة بطيف التوحد هما الأكثر تأثرًا بالتأثير السلبي للإلكترونيات لأنها بتساعدهم على الانعزال، والانطواء، وعدم الاندماج في المجتمع ودي كلها صفات تعزز من قابلية إصابته بطيف التوحد.
أطفال التوحد أقل ذكاءًا من زملائهم
يتفاوت أطفال التوحد في الذكاء بين الإعاقة والذكاء الشديد، علشان كدا بيواجه أطفال التوحد تحديات كبيرة في المجتمع لأن الناس ديما بيعاملوا كل المتوحدين كأن عندهم مشاكل عقلية وذهنية.
على سبيل المثال لا الحصر، العالم الفيزيائي ألبرت أينشتاين إلي حصل على جائزة نوبل في الفيزياء، بالرغم من تأكيد إصابته بطيف التوحد.
كان معروف عن العالم أينشتاين حبه الكبير للموسيقى وأكدوا كتاب السير الذاتية إن أينشتاين كان عازف كمان محترف وله صور كتير وهو بيعزف.
وبالفعل استطاع كتير من أطفال التوحد أنهم يجتازوا اختبارات الذكاء و يتفوقوا فيها، وأثبت كثير من مصابي التوحد أنفسهم في مجالات مختلفة مثل (الرياضيات، والهندسة، والموسيقى).
التوحدي والمهارات اللغوية
يعاني بعض أطفال التوحد تأخر الكلام، إذ أن الطفل الطبيعي بيتكلم في سن 12 إلى 15 شهر، التوحدي ممكن يتأخر لسن الأربع سنين.
تنمية المهارات اللغوية للتوحدي سواء عن طريق جلسات التخاطب أو من خلال الأم والأب بيساعد جدًا على سرعة إدراكه.
في دراسات اتعملت على أطفال متوحدين ماكانوش اتكلموا لحد سن الأربع سنين وبعد متابعتهم أصبح نسبة كبيرة منهم قادرين على تكوين جمل طويلة والتعبير عن أنفسهم بسهولة.
الحقيقة إن أطفال التوحد منهم كتير متميزين جدًا في القراءة و عندهم مهارات لغوية رائعة.
سلوك التوحدي
في ناس كتير لما يعرفوا إن الشخص مصاب بالتوحد يبدأوا يبعدوا عنه ويتلاشوا التعامل معه خوفًا منه، لكن بيفضل السؤال إلي محتاجين نعرف إجابته هو هل طفل التوحد عدواني؟
هل أطفال التوحد عدوانيين ويمثلوا خطرًا على المجتمع؟
مرض التوحد له أشكال متعددة قد يكون الطفل عدوانيًا و ده نتيجة الضغط النفسي والعصبي عليه، أو الطفل انطوائيًا لا يتفاعل مع الآخرين.
يختلف السلوك التوحدي من شخص لآخر وبالتأكيد رد فعل طفل التوحد يعتمد اعتمادًا أساسيًا على طريقة تعامل الآخرين معه.
اقرأ أيضًا: هل يسبب ضغط الحمل مخاطر للأم والجنين؟
التوحدي والصداقة
يواجه أطفال التوحد مشاكل كبيرة في الاحتفاظ بأصدقائهم وده لأسباب مختلفة منها:
- معاناته من صعوبة في التواصل مع الآخرين.
- التزام الطفل التوحدي بجدول أعماله الخاص.
- عدم اهتمامه وحرصه على اللعب مع الأطفال الآخرين.
كل ده ممكن يبعد عنه أصدقاؤه أحيانًا، لكن مش مستحيل تكوين صداقات مع أطفال التوحد وده لو تقبلهم أفراد المجتمع وعرفوا إزاى يتعاملوا مع قدراتهم الخاصة؟، وقدّروا طبيعتهم واختلافاتهم.
تشابه صفات جميع أفراد التوحد
واحدة من أشهر الخرافات عن مرض التوحد، إذ أن أنواع مرض التوحد مختلفة و كل طفل توحدي له صفاته المميزة، علشان كده لازم الأم تفهم حالة ابنها المصاب بالتوحد وتتعلم إزاي تتعامل معاه.
التوحد والتطعيمات
اعتقد بعض الباحثون أن التطعيمات إلي بياخدوها الأطفال في شهورهم الأولى هي من أسباب التوحد وتزيد من احتمالية ظهور الصفات التوحدية على الطفل لكن لم يُثبت صحة أو غلط هذه النظرية حتى اليوم.
وعلى الجانب الآخر يُشيد بعض العلماء بأهمية التطعيمات، إذ أن الامتناع عن التطعيمات يزيد من إصابة الطفل بأمراض خطيرة زي السعال الديكي والحصبة مثلًا.
في النهاية، _عزيزتي الأم _ عارفين إنك محاطة بكم هائل من الخرافات لكن ما تصدقيش كل الكلام، ذكرنا ليكي أشهر الخرافات عن مرض التوحد.
أكيد إنتي عايزة ابنك يكون أحسن طفل في الدنيا علشان كده حاولي ديما تاخدي معلوماتك من مصادر موثوقة وديما تابعي كل جديد علشان تقدري توصلي بطفلك لبر الأمان.
المصادر