Mothers Comfort Zone Mothers Comfort Zone
اكيد قراراتنا في الحياة مختلفة لكن كلنا بنتفق على هدف واحد (الحياة الصحية)، والنظام الغذائي الصحي هو أساس الحياة السليمة علشان كدا هنقدم معلومات تهمك عن حمية لوكارب.
ممكن تكون اتعودت لفترة طويلة من حياتك على المقرمشات والأكل السريع ويا سلام على مكرونة قبل النوم، دا غير أكل طول اليوم!
تخنت! محتاج وزنك يقل وتستعيد نشاطك مرة تانية، أو قررت تبدأ حياة جديدة كلها رياضة وأكل صحي!
الحقيقة إن تقليل مستوى الكربوهيدرات في نظامك الغذائي هو أنسب طريق يوصلك لهدفك، دا غير إن الحمية أثبتت نجاحها في علاج بعض الأمراض زي السكري من النوع التاني، وحالات الصرع، وفرط الحركة، واضطراب طيف التوحد.
تعرف ايه عن لو كارب؟
هو نظام غذائي منخفض الكربوهيدرات، بالتالي هتركز على الأطعمة الغنية بالدهون والبروتين وهتقلل جدًا من الكربوهيدرات الموجودة في الحبوب، والخضروات النشوية، والفاكهة.
رغم إن الحمية لها فوائد صحية إلا أنها تستخدم كهدف أساسي لفقدان الوزن.
اقرأ أيضًا: الصيام المتقطع خلال الحمل | كيف أعادل بين وزني واحتياجات طفلي؟
هل يمكن تطبيق نظام لو كارب على الأطفال؟
الحقيقة ممكن جدًا يعتمد الأطفال عليه خاصة إنه نظام صحي خالي من الأطعمة المصنعة اللي ممكن تزود الوزن بشكل ملحوظ، أو تسبب مشكلات صحية عديدة.
علشان كده لو الطفل عندة مشكلة السمنه، أو مرض السكري فنظام الكيتو هيساعده جدًا في التحكم في مستوى السكر في الدم.
كمان النظام الغذائي الكيتوني يحسن جدًا من سلوكيات طفل التوحد، ويغير التمثيل الغذائي في أجسامهم للأفضل. ودا لإن الكيتون المتكونه هتقدر تعبر الحاجز الدموي الدماغي لتغذية الدماغ، وبالتالي لها تأثيرات على الجهاز العصبي المركزي وتعتبر علاج فعال لحالات الصرع، والأمراض المصاحبة لإضطراب طيف التوحد.
ممكن ناكل ايه في حمية لو كارب؟
رغم إن حمية لوكارب أو زي ما بنقول عليها “كيتو” هي في الأساس نظام صحي، إلا إن على غير اعتقادنا في اتباع الأنظمة الصحية فاحنا نقدر ننوع في أفكار الأكل ونقدم الوجبات بطريقة جديدة كل مرة ودا هيساعدنا أكتر في الالتزام بالحمية.
علشان كدا هنقدم لك أفكار لوجبات تقدر تساعدك أكتر:
- أفكار لوجبات إفطار.
- بيض مقلي بزيت جوز الهند مع مجموعة من الخضروات (بروكلي، جزر، قرنبيط، طماطم، بهارات)
- فطائر بدقيق اللوز والبيض وبذور الكتان.
- سلطة بيض وأفوكادو وطماطم مع شرائح اللحم.
- أفكار لوجبات غداء.
- سلطة الطماطم مع اللحم المشوي والأعشاب.
- كيتو محشي الفلفل (لحم مفروم متبل مع الأرز البني والطماطم والبصل).
- لحم بقري مفروم مع البروكلي وفص توم وسمسم.
- سناكس.
- كيك دقيق جوز الهند والكينوا.
- بان كيك دقيق اللوز، والبيض، والفانيليا، والبيكنج باودر، وحليب اللوز.
- سموزي.
- عصير خليط من التوت والفراولة والأفوكادو.
- حليب اللوز مع الكاكاو وزبدة الفول السوداني.
- عصير التوت والقرفة مع حليب اللوز.
أطعمة ماينفعش ناكلها كتير في حمية لوكارب، ولازم نقلل منها!
بالتأكيد لو قررت تتبع حمية الكيتو يبقا لازم تقلل جدًا من الأطعمة الغنية بالكربوهيدرات زي:
- الخبز حتى لو مصنوع من دقيق الحبوب الكاملة حاول تقلل منه جدًا لإنه بيحتوي على نسبة عالية من الكربوهيدرات.
- الفواكه الحلوة والمجففة زي الموز، والتمر، والمانجو، والزبيب قلل منها جدًا.
- الخضروات النشوية فيها نسبة عالية من الكربوهيدرات ودي موجودة في الذرة، والبطاطا، والبطاطس، والبنجر.
- المكرونة فيها نسبة عالية من الكربوهيدرات حتى لو مصنوعة من القمح الكامل.
- العسل والسكر، وأي أكلات ممكن يدخلوا في مكوناتها زي الكعك والبسكوت حاول بقدر الإمكان تقلل منها.
هل ممكن حدوث ضرر صحي مع حمية لو كارب؟
الحقيقة دي حالة نادرة، فأحيانًا يؤدي الاعتماد الشديد على نظام الكيتو لسنوات عديدة لعدم انتظام ضربات القلب، وضعف وظائف القلب، وهشاشة العظام، وتلف الكلى.
فحاول إنك تتابع مع طبيب مختص كل فترة.
أخيرًا لو قررت إنك تتبع نظام لوكارب الغذائي فتأكد إنك هتتمتع بحياة صحية بدون سمنه!