Mothers Comfort Zone Mothers Comfort Zone
كتبت/ نيفين عازر
حبايبنا ماما وبابا
كلنا بنحب أولادنا وعايزينهم يكونوا في أحسن حال لكن مش دايمًا بيحصل كده، يعني ساعات بيتولدوا عندهم مشاكل مع الأكل وأحيانًا نلاقيهم بيعيطوا ويصرخوا كثير لما بييجوا يناموا أو لما بيصحوا من النوم وممكن لما نحميهم، وبعضهم مش عايزنا نحضنه، وأحيانًا في أطفال منهم بيبقوا ساكتين خالص ومش بيعيطوا أو يصرخوا حتى لما يجوعوا أو يعملوا حمام وممكن نسيبهم طول اليوم ومنحسش بيهم.
دي كلها تصرفات غريبة ومش مفهومة وممكن يبقوا كويسين وفجأة يحصلهم تغيير من اللي قلنا عليه بعد أول سنتين من بعد الولادة كل ده بنعرفه لما نتابع نموهم من الجداول الموجودة في البطاقة الصحية اللي بنستلمها لما بيتولدوا، لكن كل ده سببوا إيه؟
تسمعوا عن حاجة اسمها إضطراب طيف التوحد وسموه طيف لأن فيه مستويات وأشكال كتيرة مش مستوى أو شكل واحد. وهو عبارة عن مشكلة في نمو الخلايا العصبية يعني نقدر نقول أن الخلايا العصبية هي المسئولة إنها توصل الإشارة من المخ للجسم علشان يترجمها لتصرفات، زي بالضبط الدش الموجود فوق السطح لو هو مش متركب كويس أو في حاجة بايظة مش هيوصل صورة على شاشة التلفزيون، فلو الخلايا العصبية فيها مشكلة في النمو فالطفل مش هيقدر يتواصل معايا ويفهمني زي الطفل السليم. وعادة بيظهر في السنوات الثلاثة الأولى من عمر الطفل وتزداد نسبة الإصابة بين الأولاد عن البنات بنسبة 4: 1 ولا يرتبط هذا الاضطراب بالطبقة الاجتماعية أو الحالة التعليمية، أو المالية للعائلة أية علاقات بالإصابة بالتوحد
إيه العلامات اللي بتظهر على الطفل فعرف إن عنده مشكلة إضطراب طيف التوحد ؟
- لا ينظر في عيني مطلقُا.
- لا يحاول طلب المساعدة من أحد.
- دائما يهز جسمه بشكل متكرر، أو يكرر حركة بأيديه، يدور الأشياء على الأرض (لزمة حركية).
- يطلع صوت متكرر(لزمة صوتية).
- أحيانًا يحب يلمس الأشياء الخشنة وأحيانًا أخرى الناعمة.
- طفلي لايحب اللعب مع أطفال آخرين، ولكن بيحب يلعب لوحده.
- لايتكلم معي.
- متقلب المزاج، كثيرًا يضحك أو يبكي بدون سبب واضح، ودائمًا يصرخ ويغضب .
- يكرر الكلام باستمرار.
- لا يكرر الحركات البسيطة مثل “باي ، أو التصفيق).
- روتيني وينزعج من أي تغيير في البيئة.
- كثير الحركة ولا يكمل المهام التي يكلف بها.
- لا ينفذ التعليمات.
- بيهتم بحاجات غير مناسبة لبعض الأشياء أو بأجزاء من الشيء.
- يبكي ويزن عند النوم أو عند الاستيقاظ.
- كسول جدًا.
- لا يندمج مع الآخرين ولا يستجيب لهم.
- أشعر أنه لايفهم أي شيء من حوله.
- ينزعج بشدة من الأصوات أو الأشياء، لكنه أحيانًا يحب الاستماع إلى الموسيقى والأغاني الصاخبة.
- ساعات مش بيحب يحضني أو حتى يتركني ألمسه فتبقى عملية الاستحمام عملية صعبة.
- له عادات غير طبيعية في الأكل أو الشرب، أحيانًا نجده يختار نوعية معينة فقط من الأكل ويمتنع عن أي أطعمة غيرها.
- ساعات بحس أنه لا يسمع.
- مهاراته الحركية غير متوافقة في المستوى، بعضها مرتفع وبعضها منخفض قد لا يحب دفع الكرة، بينما يستطيع بناء المكعبات أو يتسلق الأثاث في البيت.
اقرأ أيضًا:
ألعاب مفيدة لطفل التوحد.. ازاي اختار هدية مميزة؟
اضطراب طيف التوحد له دواء أو علاج؟
لا يوجد علاج بالأدوية لعلاج اضطراب طيف التوحد
إيه الحل؟
الأطفال المصابون بالتوحد بيستجيبوا بشكل كويس للبرامج التدريبية التي تعتمد على نظام محدد (الأعمال اليومية المتكررة)، ونحاول نعمله برنامج مخصص لحالته لتنمية مهاراته وتعديل السلوك، وتنمية اللغة والتواصل والمهارات الاجتماعية، والتغلب على المشكلات التي تتعلق بالحواس، ولازم نطبق هذا البرنامج بشكل مرن وسهل يعني لو الطفل لم يستجيب لجزء من البرنامج ممكن نضع له بديل يؤدي نفس الغرض. ويعتمد البرنامج أيضًا على تشجيع الطفل باستمرار
وكثير من الأطفال مع النضج والنمو يفقدون كثير من جوانبهم السيئة ويتصرفوا بشكل كويس مع الآخرين، وفي الدراسة أيضًا.
هل ممكن الطفل يكون مولود والخلايا العصبية سليمة وبعد كده يصاب بالتوحد؟
أيوة ممكن
إيه السبب؟
عندما يتعرض الطفل لشاشة الموبايل والتلفزيون لوقت طويل ونحن نكون سعداء بأنه قاعد ساكت ومش بيخرب في أي حاجة ولا بينزل الأدراج من مكانها لا بيلعب في الميه في الحمام ولا بينزل الحلل من المطبخ ويلعب فيها ولا بيدلق المكرونة أو الرز في الأرض إلى آخر الحاجات اللي بيعملها الأطفال وبتضايقنا وبنتبسط أوي أنهم قاعدين ساكتين يبقى كدة الطفل دخل في حالة توحد
إيه الحل؟
من فضلكم اتكلموا كثير مع أطفالكم من أول ما يتولدوا احكوا لهم حكايات كلموهم عن كل حاجة بتعملوها في البيت سمعوهم أغاني أو موسيقى هادئة، اشتروا لهم مكبات وبازل وعروسة وعربيات، اتركوهم يلعبوا في البيت لكن لا يؤذوا أنفسهم في الكهرباء أو البوتاجاز أو السكاكين أو المفكات، ألعاب الفك والتركيب أفضل 100 مرة من ألعاب الموبايل.
