يعتبر التوحد مرض العصر، مفيش بيت أو أسرة إلا وليهم حد يعرفوه عنده توحد أو ابنه عنده توحد بس التوحد درجات عشان تتعرف على أنواع ودرجات التوحد كمّل المقال للآخر.

اضطراب التوحد الأساسي 

مجموعة من الاضطرابات بتأثر على النمو العصبي وسلوكيات الطفل ووعيه بالبيئة المحيطة، تلاقي طفل التوحد مختلف عن باقي الأطفال في درجة وعيه وتعامله مع الآخرين.

يظهر التوحد في أول سنتين من عمر الطفل وتكون نسبته في الأولاد أعلى ٣ مرات من البنات.

أسباب التوحد لحد الآن غير معروفة، أكتر سبب يرجح إن له تأثير هو العامل الچيني بجانب بعض العوامل المحيطة بتنشط المرض عند الطفل.

تختلف أعراض التوحد حسب درجته ونوعه عند الطفل.

 قسّم المختصون بعلم السلوكيات أنواع ودرجات التوحد إلى ٣ أنواع هم متلازمة اسبرجر واضطراب الطفولة التفكرية  واضطراب النمو المتفشي.

وإن كان في أمراض سلوكية تانية تتشابه مع التوحد لكنها مش توحد زي متلازمة ريت.

تلاقي في أعراض متشابهة بين أنواع التوحد زي: 

• عدم استجابة الطفل لما تنادي بأسمه.
• عدم وعي بالبيئة المحيطة.
• بيحب يلعب لوحده.
• بيردد كلمة أو جملة باستمرار.
• يكرر حركة معينة بجسمه باستمرار.
• يلاقي صعوبة في التواصل الإجتماعي.

على الرغم من كدة إلا أن المعهد الوطني للصحة النفسية في أمريكا سجّل أعراض إيجابية للتوحد زي دقة عالية في أداء المهام وطرق مبتكرة في حل المشكلات.

متلازمة أسبرجر

تعتبر متلازمة أسبرجر أقل نوع من أنواع ودرجات التوحد صعوبة بمعنى أن الطفل بيكون عنده مستوى ذكاء من متوسط لعالي، مش بيعاني من تأخر في الكلام زي المتعارف عليه في التوحد.

بنلاقي عنده أعراض زي:

• يتجنب التواصل المباشر بالعين.
• مش بيحدد المسافة أثناء الكلام بمعنى بيقرب أوي من اللي ادامه.
• صوته عالي.
• مش بيقدر يفهم لغة الجسد وتعبيرات الوجه.

• يلاقي صعوبة في تكوين صداقات.
• بيفضل الروتين الثابت عشان كدة بيغضب أوي لما الأمور بتخرج عن المعتاد.
• خط اليد بيكون سئ.
• مش بيقدر يعمل أكتر من نشاط في نفس الوقت.

اضطراب النمو المتفشي

مجموعة من الاضطرابات في سلوكيات معينة خاصةً في التطور العقلي والبدني والمهارات الاجتماعية.

نشوف في النوع ده تأخر سلوكي واضح بمعنى أن الطفل بيظهر سلوكيات أقل تطور من اللي المفروض تبقى عنده بالنسبة لسنه.

كمان بيكون تأخر عقلي واضطرابات تعلم.

اقرأ أيضًا: الحرمان البيئي | طفلك غريبًا في مجتمعه!

اضطراب الطفولة التفكرية

يكبر طفل الاضطراب الطفولة التفكرية بصورة طبيعية أول كام سنة في العمر وبعد كدة بيحصل إنخفاض مفاجئ للنمو والمهارات

• تنخفض مهارات التواصل.
• يقل مهارات عناية الطفل بنفسه.
• يعاني الطفل تبول لا إرادي وضعف في مهارات الحركة الطبيعية.

تعتبر مرحلة اضطراب الطفولة أخطر أنواع ودرجات التوحد.

متلازمة رييت

اختلف تسمية المتلازمة دي انها نوع من أنواع التوحد أو لأ، لكن أغلب الآراء أقرت أنها خارج أنواع التوحد.

تصيب متلازمة رييت البنات أكتر من الولاد ورجحوا سبب الإصابة بيرجع للچينات.

تظهر أعراض المتلازمة على الطفل من وهو رضيع، وسبب خروجها من تقسيمة التوحد بيرجع إلى الأعراض الظاهرة زي:

• تأخر في المشي والتواصل الحركي.
• يعاني الطفل مشاكل في التنفس في بعض الحالات.
• ضعف التواصل الاجتماعي ولكن بشكل أقل من التوحد.

علاج التوحد 

يعالج التوحد طبق بروتوكولات مختلفة من: 

العلاج السلوكي 

بيتعلم الطفل فيه السلوكيات المطلوبة لمرحلته العمرية.

العلاج الطبيعي

بيروح الطفل لمراكز العلاج الطبيعي لأن أغلب أطفال التوحد بيعانوا درجات مختلفة من ضعف العضلات.

العلاج بالأدوية

لا يوجد علاج للتوحد بالأدوية ولكن نعالج الأعراض المصاحبة ليه زي القلق وتقلب المزاج.

التخاطب

يحسّن العلاج بالتخاطب النطق وفهم الكلام عند الطفل.

التوحد ليس عائق للطفل، لكن نقدر نقول إنه تحدي كبير للطفل ولأهله. بالمعرفة الصحيحة بأنواع ودرجات التوحد وطرق العلاج هيكون سهل السيطرة عليه.

المصادر

https://www.medicalnewstoday.com/articles/types-of-autism

https://www.healthline.com/health/types-of-autism

https://www.verywellhealth.com/what-is-mild-autism-260244